მაღალ-ეფექტიანი გუნდების განვითარებისთვის ჩვენ ვიყენებთ შეფასების ინსტრუმენტს PERILL, რომელიც ეფუძნება გუნდის კვლევის ბიჰევიორალურ მიდგომას. PERILL მოდელი გულისხმობს გუნდთან მუშაობის კომპლექსურ მიდგომას. ამ ინსტრუმენტის მიზანია მოახდინოს გუნდის დიაგნოსტიკა ექვსი საკვანძო მიმართულებით და შესაბამისად, გააუმჯობესოს გუნდის შესრულების ხარისხი ამ მიმართულებებით. PERILL-ის ავტორია Clutterbuck Coaching & Mentoring International (CCMI), რომელიც არის ლიდერი ბრიტანული ორგანიზაცია ქოუჩინგის და მენტორინგის სფეროში. CCMI-ს სასწავლო პროგრამები და სერვისები ფართოდ არის წარმოდგენილი მსოფლიოს სხვადასხვა ქვეყანაში. ორგანიზაციას გააჩნია 45 წლიანი ისტორია სამეცნიერო კვლევების და ქოუჩინგის კულტურის დანერგვის მიმართულებით. საქართველოში CCMI-ს პარტნიორია ქოუჩინგ ლაბი.
ICF-ის განმარტებით, გუნდური ქოუჩინგი არის გამოცდილება, რომელსაც პარტნიორულ ფორმატში გუნდი და ქოუჩი ქმნიან ერთობლივად, რაც აძლიერებს გუნდს, ქმნის განგრძობადი განვითარების და დასწავლის სივრცეს; შესაძლებლობებს, რათა გუნდი გახდეს უფრო მოქნილი, ცვლილებებისადმი ადაპტური, შედეგზე ორიენტირებული და ერთი მიზნის ირგვლივ გაერთიანებული. გუნდური ქოუჩინგის შედეგიანობა მაღალია, როდესაც გუნდს აქვს გაცნობიერება, რომ საჭიროებს განვითარებას და გამოხატავს მზაობას პარტნიორულ ფორმატში ითანამშრომლოს ქოუჩთან.
ორგანიზაციაში გუნდების გაძლიერებისა და მხარდაჭერისთვის ვიყენებთ გუნდური ქოუჩინგის მეთოდს, რომელიც გუნდების განვითარებისთვის გაცნობიერებას, გაზიარებულ გამოცდილებას და ადამიანებს შორის ურთიერთობების ეფექტიან მოდელებს ეყრდნობა.
