ქოუჩინგის კულტურა

ქოუჩინგის კულტურა თავის თავში მოიაზრებს ქოუჩინგური აზროვნების სტილს და მიდგომებს ორგანიზაციაში. ეს არის კულტურის ტრანსფორმაცია, რომელიც გულისხმობს ქცევის ცვლილებას, თანამშრომლების ჩართულობას, ლიდერების მიერ ინიცირებულ პროცესებს ცვლილებების მხარდასაჭერად. ტრანსფორმაციის პროცესში მნიშვნელოვანი გამოწვევაა ღია დილოგი, ურთიერთობების შენება, მზაობა და მიმღებლობა უკუკავშირისადმი. კულტურა ასაზრდოებს გარემოს, სადაც ბიზნეს სტრატეგია მოდის აღსრულებაში და მიზნები მიიღწევა. სწორედ ამიტომ, კულტურის ტრანსფორმაცია ორგანიზაციული ზრდის პროცესში მნიშვნელოვანი გამოწვევაა.

ორგანიზაციაში ქოუჩინგის კულტურის დანერგვის მიზანია შექმნას ადამიანზე ფოკუსირებული მართვის სტილი. ამ პარადიგმაში ქოუჩინგს კულტურაში შემოაქვს შემდეგი აქცენტები: ფოკუსი შესაძლებლობებზე – ადამიანების და გუნდების ზრდა და მხარდაჭერა; შეკითხვების დასმა და მოსმენა; განვითარებაზე ორიენტირებული უკუკავშირი და პირდაპირი კომუნიკაცია; აზროვნების თვალსაწიერის გაფართოება; მხარდამჭერი გარემო, შემოქმედებითობა და გაზიარების სივრცე; დიალოგი ორმხრივად სასარგებლო შედეგისთვის.